De Tsjerne. Jaargang 19

[p. 40]

Oarloch

De deaden harkje
Nei hûnderttûzen fuotten
Stampend troch it leechlân.

Soldaten slaen brêgen
Nei de frijheit,
Sliepe yn de snie
Fan de kâlde oarloch.
It warrelt en teit
Op de stienwegen.
Op hûndert pleinen
Stean skriemend de
Man en de Mem

It fuotspoar, it bloedspoar
Rint dea op de heuvel.
Yn it dal fan it tsjuster
Bite de tosken it braeklân
Fan freze en haet.

It Wrâlddiel hat de flaggen strutsen,
Swijend hûnderttûzen hollen dutsen.