De Tsjerne. Jaargang 19

[p. 38]

Liet fan de Frede

De oarloch is foarby.
En de minske stiet yn
De groede fan de ierde,
As de beam fan de frede.

Mar frede is forlittenheit.
Hja wreidet op in woast fjild,
Hja pearet ta tallen
Yn de rêst fan ruïnen.

De diktatuer is de harder,
De frede bifruchtet gefaer,
De minske rint efter de harder;
Aenst wjokket de adelaer.

Lit my ûnfruchtber wêze.
Lit my de fredebeam.
Lit my gedichten lêze,
Dy't ik de frede neam.

Lit my ûnfruchtber wêze.
Dy't ik de Frede neam,
Him wol ik fruchtber wêze,
Hy jowt genedelean.