De Tsjerne. Jaargang 19

[p. 26]

Caprice

Ik lei myn ear to sliepen
Op it forwielen grien
Fan de bimoaze stien;
Doe foelen alle bloeisels iepen.

En tusken bloei en frucht
Garre ik my nije krûken
Ik wachtte op 'e hûken
It feest yn it gehucht.

'k Woe mei har rinkelroaije.
En elke ljochte faem
Dy't ik tomjitte kaem
Mei stikelroazen toaije.

By hokker ik ek poaze,
Mar elke ljochte faem
Dy't ik tomjitte kaem
Sei: ‘Ik sil dy hwat roaze’.

De stilte yn my hurd en dôf,
Wie as in tinne dream.
De fruchten foelen fan de beam
mei sêfte ploffen yn it hôf.