De Tsjerne. Jaargang 16

[p. 368]

Tiny Mulder:
De bouwer

meist net oer petit-point
en filigraen
krektlikemin as ik
bimin de molkwei
en de autobaen
ja ik haw it tsjin dy
dou soest dy tusken oergroei
fan spoekeblommen
reagje in helder
wech ende wear plein
en dêr dyn heechst liet bouwe
yn wurden as doaryske kolommen
fiersichtich boppe de needwenten
fan films en biblioteken

ast dat foltôge hast
kinst ûnbisoarge
hûkjend op 'e flier
goed brea mei fleis
en ripe hunich ite
hui roppe tsjin de sinne
en ûnearbiedich mei de mûle fol
praet hawwe oer it waer
en it gewaechs
mei nije freonen
de stêd
it viadukt
en de rivier