De Tsjerne. Jaargang 16

[p. 270]

Hedzer Andela:
Der moast...

foar durk van der ploeg

der moast
op syn bêst
marris wer in god forskine
en dan in god
dy't dwers troch
de leagens en de mythen en de mystifikaesjes

fan de heit

en fan de soan

en fan de hillige geast

hinne
fannijs de wierheit skept
út it wetter fan alle séen
en boetseart
út de klaei fan alle ierde:

ús,

fleis en bloed fan úslju,
yn âlde teksten
jit minsken neamd...

op syn bêst
moast dy god
marris forskine,
mar ik bin der wis fan
dat wy Him
allikemin forneare koene!