De Tsjerne. Jaargang 16

Jan Dotinga:
Genesis 1 en 3

it ljocht stiftsjend
foroaren wy it yn hate
bartholomëus
nacht -
amétryk it forwulft
sleaten wy elkoar
sellulair yn -
It blies it gewaeks
út 'e amme fan it ljocht
mar wy ûntdieken it
as wenplak foar guerilla's -
en de fisk as in pearel
wy lykwols diene it wetter
dea mei ús liken -
de Namme
klankboaijem
foar it lok fan de fûgels
allinne wy ûnteigenen
it lûd oan it liet -
de droan fan it dúnjend bloed
yn de hertslach der dieren
wy hawwe se glimkjend snien -
It skoep de minske
mei de letters fan Syn namme
en seach hoe't wy ús
oan de tael bismoargen.