De Tsjerne. Jaargang 16

[p. 174]

Leah Goldberg:
Hjoed de dei

Hjoed de dei, brek brea
En sammelje frucht yn 'e kuorren
Hjoed de dei komme de soannen thús
En de dochters wachtsje har yn 'e doar.
Hjoed de dei tuge de wolken oan 'e himel
En dogge de boade fan seinerein oer weetfjild en hôven
En yn 'e stêd, tusken de kreammen op 'e merk
Driuwe de roken fan bûter en oalje
De wyntsjelk is oerrinnend fol.

Hoe kinstû stjerre myn Biel, op sa'n dei -
Dit is sa leaflik en fol
Dit is sa simpel en oerdiedich
Dit is ljocht
Dit is hjoed de dei
Dit is ien fan alle dagen.

Hoe kinstû dy deljaen ta rêst
Ear't syn tumult him deljowt?
Hoe kinst him farwol sizze
Ear't syn rop stil wurdt
Hoe kinstû yn 'e rouwe gean
Ear't syn freugde útdôve
Hoe soestû it ivige ljocht birikke
ast de earste stjerre net patte hiest?

(fortaling út it Ingelsk fan Fedde Schurer)