De Tsjerne. Jaargang 16

[p. 138]

Tineke Bethlehem:

Nachtmiel

oer it brekken fan it brea
rikke dyn eagen my de wyn
skriuw ik in krús dêryn...

amen Jesus Christus
amen

om Jins Heit
en om it Krús
seinigje it barren tusken ús

amen Jesus
amen

staech dript it bloed
út farske wounen
yn 't forstriken fan de stûnen
lizze wy de sûnde ôf

amen Heit en Hillige Geast
amen
lear ús tankjen.

Bea

as Heare op de jongste dei
alle ingels swije
de ierde brekt
en grêven iepengean...

Hear wol forjaen it
ik wol sa graech dan
neist myn leafste stean.

Pascha

eangje net eangje net
binne de wurden fan myn hert
Hear hoe kin ik nou net eangje
as ik sjoch oan eltse doar
Lamens reade bloedespoar

eangje net eangje net
siz yn godsnamme myn hert
bin ik tsjin of bin ik foar
mei ik yngean earne 'e doar

fine lâns Jins toarnespoar
hel en himels iepen doar.