De Tsjerne. Jaargang 16

Avigdor Ha-Meiri:
Peaske yn Jeruzalim

Blinkende ingels gounzen hjoed troch Jeruzalim
Tûzen maitiden brieken yn my út
En skrinkeldeaden út har grêf sykhellen yn 'e sinne:
Wês wolkom, geur en fleur, wolkom Gods seineboaden -
Ik bin de wachter, de wachter dy't útsjocht
Messiah, forlosser, forlokker, komt strak of letter
Goed, as hy mar komt:
Hjoed is it Peaske, hjoed is oan 't leauwen gjin grins.

De pea fan ieuwen wurdt hjoed wiksle, tûzenris
De wrâld snokt yn Gods sykbinimmende oerdied
En út 'e grêven fan 'e foarteam stiicht de sang fan 't bloed:
‘Jeruzalim, Jeruzalim, stêd fan gebet en toarre groun
Skik hjoed foar my it waerme breidsbêd ré
Foar de pea fan dyn jonkheitsfreon, de bloedbreugeman
Foar de bloedbiweiner -
Tariedend ûnder dyn herte
Kening Messiah's berte.’