De Tsjerne. Jaargang 16

Shin Shalom:
It pleintsje

't Is mei it pleintsje net sa simpel as it liket
In skiednis stoarret út elk finster wei
Op 't muorwurk, yn 'e platte stiennen fiket
Oantinken 't skier relaes fan nacht en dei.

't Is net sa simpel dêr efter 'e binnendoarren
't Sit yn 'e boekekast, de stoel, de blom foar 't raem
It swier gerdyn, it bêd - der is in frjemd biswarren
't Geheim fan eat, dêr't gjin gewach fan kaem.

En al dy hûzen hawwe in dûnker treppensgat
Moarns geane en jouns komme, frjemden foar elkaar,
Ienlike skepsels, lûke in doar yn 't slot -
Ik haw mei har to dwaen en bid foar har.