De Tsjerne. Jaargang 16

Avraham Shlonsky:
Israel

En nachts ljochtsje de tinten op as lampen
Gilboa's bergen sykhelje yn har rêst
Soms waerje skimen roun yn kweade dampen
Driging fan dead dy't ljocht en libben dwêst.

Langhier'ge Bileam, 't each yn klearsicht iepen
Rydt op syn swarte ezel nachts troch 't lân
En oer Gilboa's bergen giet yn 't sliepen
In licht gerissel - 't siedzjen fan Gods han.

En wylst dit sied - by 't hânfol goudne stjerren -
Fan boppen wyndret op 'e bergen del
Is de âlde wijspreuk troch de nacht to hearren:
‘Hoe leaflik bin dyn tinten, Israël!’