De Tsjerne. Jaargang 15

[p. 329]

[Nummer 12]

Tiny Mulder:

Frou mei paraplu

hja draecht syn leafde as in paraplu
in oranje paraplu
car il pleut il pleut dans la rue
hwant it miggelt yn 'e huzen
hwant it stoureint op it lân
mar de lytse grize frou
yn it grize hielal
draecht de oranje paraplu
o né oranje paraplu draecht frou
en hja glimket as in fearke
tikjend op de nudlehakjes
elle chante dans la pluie
hja sjongt syn stimme út de bline muorre
en blaest in tút nei de betonnen
wolken
hja laket om de bittere stimmen
en de skiere kertieren
hja laket ynfieren
frou mei de oranje paraplu
elle danse elle danse contre la rue
yn de iepenbiere strjitte
giet hja dounsjend
mei de maskerleaze eagen
mei de ûnneifolgbere oermoed
fan de frou dy't in oranje
paraplu hat

[p. 330]

Krystlietsje

de dei rint to heap tsjin de nacht
hwerom tsjuster
hwerom juster

en hjoed

nacht

deinacht

krystnacht

nacht fan pauwefeareagen
nacht fan berneeagen

golgotha

deinacht

God rop noch ienkear

der sij Ijocht

Ijocht to heap tsjin de nacht

hoannen kraeije

sillich binne de gekken

spikerman fan nazareth

bartholomeusnacht

apart foar bern

krystnacht
ingels to heap tsjin de nacht

hjoeddenacht