De Tsjerne. Jaargang 15

[p. 304]

Gerrit Mulder:
Stamboekbolle

Fan de adel ûnder de minsken
is net botte folle mear oer
fryslân's namme wurdt nou
heechhâlden
fan de adel ûnder it
hoarnfé:
ús bollen bygelyks!

Fjouwer koarte poaten
in sturt
in leaf fyn kopke
in bonkerak op mjitte
mei fral romme ribben
en dat hielendal opfolle
en oanfolle
mei fleis
swart of reabûnt fel
kreas der omhinne
en klear...

De priis?
dat kin rom in tonne wêze
mar ek wol sawn bankjes
en tuskenbeide is romte.

Rinne docht in bolle mar slimme min
drave kin er alhiel net
mar soks hindert gjin grevel
as er mar springe wol
dat is
planút sein
syn fak
fierder mei er ite en drinke.

Smoke docht er net
en soks is al jammer
nou't de Lucky Strike hjirre wer
to krijen binne
en de arbeiders mar raek smoke
it regear moast der op tasjen dat
allinne de adel
de adel
foar de mûle komt...

[p. 305]

 

In bolle hat in dûbelde namme

 

òf men sprekt him oan mei syn fan

 

adema of sa.

 

 

 

Twa kear yn 't jier rydt in bolle

 

fan namme

 

mei de auto nei ljouwert

 

om bûtenlanners

 

ridder wouter swart

 

en oare minsken

 

to bisjen...

 

 

 

Hoe fornaem ek - wy biïerdigje

 

in stamboekbolle

 

net

 

mar ite him op

 

as er dien hat -

 

útsein de adel fan

 

de skinke

 

dy eksportearje wy nei

 

amearika

 

foar dollars

 

en om ús arbeiders ôf to learen

 

sa tier to wêzen

 

gjin spek en fet

 

to lêsten.