De Tsjerne. Jaargang 15

[p. 283]

Freark Dam:
Akky's ballade fan de lytse man¹⁾

Hwa't op 'e tiid fan bûgen wit
hoe't er ek yn de lytse loege sit
wit hoe't de wrâld yn 'e foegen sit
wit hwat er witte moat
dat is de koartste klap
oars rint er foar't er it wit
yn in mollerid yn in rottestap -
dom is 't, troch alles hinne
en bisykje de slach to winnen
de einichste ein to birinnen
mei switten, bearen en stinnen
mei wurden noch sterke stikken
falt hwat dan ek to birikken
LYTSE MAN wolst hwat bidije
de sterke derûnder krije
dan moatst duldzje en lije.

Moatst dwaen hwat ik die
in bidler dy't sliept yn it strie
forfolge fordreaun en
dochs kâld noch gleon en
dochs jit myselme bleaun
tink derom LYTSE MAN
de sterke docht altyd syn sin
grypt hwat er gripe kin
dyn hûs dyn bisit dyn gesin
him biskermje de wetten wol
weelde slynt er by fetten fol
dêr't er de bek net op sette wol
dat's foar dy, LYTSE MAN.

Alle macht, alle wysheit stiet faei
in slot sûnder sin, sûnder kaei
mar dou LYTSE MAN sûnder kúk noch kyn
sûnder brea yn 'e spyn
bliuwst frijman, giest frij út en yn
mar bliuw dan ivich en erflik dysels
ivich bûchsum en ivich rebels

1) Frije biwurking fan de ballade oan de ein fan it twade bidriuw yn Ein Engel kommt nach Babylon fan Friedrich Dürrenmatt.

[p. 284]

 

harkje ta LYTSE MAN

 

dy't it oprêdde wol yn 'e wrâld

 

en wurd yn frede en frijdom âld

 

dy set him ynwindich toskoar

 

sjongt syn sankje oan elke doar

 

giet fierder wer sûnder bikoar

 

wit dyn plak LYTSE MAN

 

it mei bûge of barste

 

wês slaef of wês rjochter

 

minister of boppemaster

 

wring dy yn alle bochten

 

en stiet it soms faei bigjin

 

mei in laei sûkerskjin...

 

 

 

Hâld dy kúm LYTSE MAN

 

dan slachst ynwindich

 

stil en bistindich

 

foar master op

 

duldzje, fordraech rabberij

 

en it hiele minskdom derby

 

gean ûnder de stok op

 

byneed by de nok op

 

fan 't heechste paleis

 

wês ré foar de libbensreis

 

LYTSE MAN

 

neam it goede tsjoed byneed

 

it swarte wyt byneed

 

dan bist it libben treast

 

it libben, de ierde, de geast

 

it kringen, it sjongen, it kreauwen

 

bidimje de hope, de leafde, it leauwe

 

birek it fjûr fan de minsklikhyt

 

ûnder it reade beulshabyt...