De Tsjerne. Jaargang 15

[p. 109]

Sjoerd Spanninga:

The whispering melody

Der sit net folle goeds yn my
hwant alles wiist him kwea
mar dochs haw ik hwat moais foar dy
in gouden ring - it gea -
en sjoch ris nei dy pearelstring
hwer't iderkear it fjûr troch springt
de wjerglâns fan dyn hier
hawar - hwat ús de dei ek bringt
dou hast fansels de kar út mear
de nacht is juwelier.

Sinnebuorren

Dêr wennet ien dy sit him sear op fûle aeijen
men sei hy wie mei lean en sa oan 't krabbedraeijen
en dizze fint hat altyd hwat to kommandearjen
't is krekt in âlde spikerbus it gat fol herje
en dy dêr draecht de holle sedich op 'e side
dus lit jou dochter leafst net by him yn 'e slide
en dit is nou it hûs hwer't men fan grutet
dat men de moanders soms de doar út tutet
mar hjir komt aensent netsjes folk to weinjen
mei helianthen en hwat judaspeinjen.