De Tsjerne. Jaargang 15

[p. 49]

Hedzer Andela:
Tekst

man, it ljocht kwynt
de stjerren wurde ûnrêstich
earne, fier oer sé, woedet in faem
oan har herte
ûntspringe stoarmen en oarloggen
manlju sille elkoarren nei it libben stean
beammen en blommen skrieme
en de dieren
sille inoar in âld forhael fortelle
út de tiid
doe't de minsken jit gjin nammen hiene
en wachtsje
oant it wer sa is

man, it ljocht kwynt
wês wach!