De Tsjerne. Jaargang 14

[p. 346]

Gerben Brouwer:
Nocturne

Foar Douwe Tamminga op syn 50ste jierdei

Nacht as swart wetter.
Uren rinne as getallen:
fyftich, hûndert, tûzen -
Stjerren binne yn stikken fallen:
fyftich, hûndert, tûzen -
In wife fûgel ropt: hallelujah.
Kyriëleis.

In wiete wyn rint troch grien gers.
De bosk ribosket yn 'e blêdden:
fyftich, hûndert, tûzen
In skiep skreaut om drinken.
De foks strûnt om 'e poel -
Kyriëleis:
wy binne al jierren ûnderweis
en yn dit godforlitten tsjuster,
lit de himel iepenskuorre,
rop ús nammen oer 'e muorre
fyftich, hûndert, tûzenkear,
Sjong yn ús Hear.