De Tsjerne. Jaargang 14

[p. 212]

Helga Folkertsma:
Schönbrunn

Blêdden falle en fortoarje,
tûken stekke keal omheech
en de oars sa smûke leantsjes
bin forlitten nou en leech.
Al dy greate, âlde beammen
steane, fan har pracht ûntklaeid
en de stiennen sémearminnen
bibberje yn har neakenheit.
Rym left oeral op de bankjes,
har oerklaeijend mei fluwiel -
mar as in ûnthjit fan simmer
falt in lette sinnestriel.