De Tsjerne. Jaargang 14

[p. 97]

[Nummer 4]

Durk van der Ploeg:
De negers sizze

voor het grote feest ben ik genodigd
het feest met zwarte engelen genodigd.
Frank Martinus Arion

De ingels binne swart
sizze de negers
de ingels hawwe
wite tosken en neilen
hwant de ingels lykje op ús
sizze de negers

de himel is in oerwâld
en de wrâld dounset
tam tam
sizze de negers

de negers sizze
efter elke beam leit in god
en slane tam tam
troch it wâld fan de goaden

de negers sizze
Jezus wie swart
en hja sjonge spirituals
hwant Jezus wie ek in neger

de negers binne bern fan Cham
de negers binne it
druvesop fan Noachs died
dat sizze de blanken
dat sizze de negers
dat de blanken sizze.