De Tsjerne. Jaargang 14

[p. 87]

J. Dotinga:
Hijum

jit mannich kear
bin ik dyn tsjoen passearre
bin dwers troch dyn sletten iepenheit tein

dyn huzen bin in koar
dat sunich rûzet
mids bou en greiden
wurdt it dizich wei

dyn tsjerke in dirigint
om alles yn bistjûr to hâlden
it lykwicht mei net steurd
de huzen net forsille wurde

it stiet op himsels
en dochs is it ien mei har
syn eachweid
hoedet de ienfâld
trou en âld