De Tsjerne. Jaargang 14

[p. 51]

Tjitte Piebenga:

- -

in baen fan dagen
nuodliker as alles
nauwer as juster
en moarn djipper
sûnder ien kâns

de ein net witte
it bigjin net kenne
yn de selde stappen
trochgean en wurgens
mei tinzen machteleas
yn bisit jinsels drage
as lêst

de dei as in sel
sletten en bange
lammens tusken
hjoed en moarn

- -

forwachtings fen foar ien
ôfskriuwe wurklikheit biwize
oan wurklikheit en omskeppe
ta kenbere foarmen
mar stom bliuwe ûnder
de stommen

ûnmachtich tobekfalle
sûnder in werom
mei in liif fol
bange earnst

bistean bidjipje
ûnkundich fan alles
en sûnder krêft

dit is it nou
wurdt sein

[p. 52]

 

- -

 

 

 

neaken oant de tried

 

fan de folwoechsenheit

 

de boaijem fan de earnst

 

sichtber yn alle gebearten

 

en bitter yn it skelet

 

 

 

de deikleaune opnimme

 

en lam ôfwine wurgens

 

dy't nestelet tusken de

 

dieden en as in lyk

 

allinne lit by

 

jinsels moarn

 

steiler tobek

 

kin net

 

 

 

fierder skouwe fierder

 

bang yn alle gewrichten

 

sûnder to witten

 

 

 

hwerom wurdt net sein

 

hoe noch minder en

 

alles alles swier

 

yn hjoed

Mem mei bern

foar helga

biwegen
yn de rounte
fan de earmen

de tiid
stûket
yn it brutsen
blau

en efter dit
witten
ûnsizber
earne
in lyts
laitsjen

picasso

[p. 53]

Klown

trompet gniist
de tromme skuort
gerdyn midstwa:
de klown

seachmoal
banen stof
yn floodlight

publyk oerein
as in hoanne

kriúskeëagen
holle skean
lege snuten
tusken
hynstekeutels

trompet dy't
troch de romte
snijt

publyk dat nou
de bisten krijt

Dichter

doe hat hy
- yn syn greatens -
it wurd skepen
en brutsen yn
tûzen
lytse
diggels

yn syn greatens
wist hy net
dat oan de diggels
in pine
bilune

[p. 54]

Koloryt

hwant ik bin swart ik wit it net
der rinne tûzen iepen fregen
troch al myn dieden al myn dagen
o dei hwer is myn hân myn hert

oer minsken giet de selde sinne
strang yn it selde stelsel del
mar elts bliuwt yn syn eigen sel
en nimmen stapt oer grinzen hinne

hwant fan de iene op de oare dei
wurde wy djipper mear allinne
en nimmen dy't hwat leafliks sei

hwant wy bin swart en wyt wy rinne
elts foar himsels de selde wei
de iene kin de oar net winne

Fossyl

it liet dêrst ta forstienne bist
leit konsekwint yn print bisletten
folslein bianderstû de wetten
fan omslach romte en fan list

it lettertyp dyn passepartout
fers de útslach fan dyn plannen
en bistû frjemd noch fan it hoe
dû leist omtein foargoed oan bannen

wy binne net komplemintair
fossyl út earder perioaden
frjemd tiidskema út grize oarden
en bliuwe beide atomair

de ôlwiking yn de liguer
binne dyn hannen myn struktuer