De Tsjerne. Jaargang 11

[p. 157]

Gjet Redema:

Simmernacht

blau is de nacht mei goud
swart-blau mei wyt-goud
ik moat tinke oan in simmer
Doe't ik 16 wie
deselde rook
grounich
turf wetter en gers
deselde nacht
blau mei goud
en in skyltsje moanne
it libben is riker as doe

Freonen

minsken freonen
salolle libbens
myn hert stiet iepen
myn hert is bliid
om jimme freonen
om jimme minsken
myn hert is wiid
wiid iepen

Ienfaldige tins

ik skriuw de letters
ik skriuw in wurd
hwat binne letters
hwat is in wurd
letters en wurden
kin ik skriuwe
kin ik lèze
wurden fan letters
foarmje myn tinzen