De Tsjerne. Jaargang 11

[p. 123]

Tsjits Peanstra:
Dit:

Dou bist in oase
Lit my yn dyn skaden rêste
Lit my oan dyn wel knibbelje
Lit my yn dyn palmen de stilte heane.

Ik nim de krûk oan myn lippen
en drink dyn koelte
Ik spegelje my yn dyn djipten
en sjoch myn ûnreinheden
Ik waskje my yn dyn helderheit
en wit myn ûnsuverens.

As ik yn dyn skaden rêst
As ik oan dyn wel knibbelje
As ik yn dyn palmen de stilte hear....
Dan is it goed.