De Tsjerne. Jaargang 11

[p. 92]

Gjet Redema:
Trije doarpen

Doarp yn Fryslan

dûknekkich tsjeikje
loft
greide
frjentsjer yn 'e fierte
smelle kronkeldykjes
en altyd like kâld
de hege bou
en ik moast
jimmer
by 't simmer
tinke
de fjilden binne
ré om to risp jen

ûnwennich bin 'k net
mar der leit
in stik fan myn libben

[p. 93]

Apeldoarn

wûnderlik doarp
mei túntsjes
en paedtsjes
mei stopljochten
it loo
en astoria
yn-doarp mei great-
stêdske allures
alles leit trochinoar
sânpaed en beton
oldenhol koldenhof
vosselman put
oudbier en modderkolk
morren en born
beekman en schut

ik mocht dy net lije
6 jier forlyn
ik reits je dochs thús dy
yn ik haw dochs in hûs dy
yn ik haw dochs in lok yn dy

[p. 94]

De Haech

it binnenhol
ha 'k ienris sjoen
it buitenhof
twaris
es es en ha es
kin 'k suver al dreame
en op de laan van meerdervoort
seit jef last
is god vermoord
myn man imiteart
zeg sjörs wat zijn dat
toch
veur ördinaire
bleksems
oeral binn' minsken
oeral bin 'k seis
it libben is goed