De Tsjerne. Jaargang 11

[p. 78]

De meiwurkers oan dit numer.

Bio- en bibliografyske oantekeningen

André Bjerke, berne 1918 by Oslo, studearre fan 1936-1941 natuerwittenskippen en ekonomy. Debutearre 1940 mei de bondel ‘Syngende jord’, letter û.o. bondels ‘Regnbuen’ (1946), ‘Prinsessen spinner i berget’ (1955) en ‘Slik frøet baerer skissen til et tre’ (1954). Is in bikend oersetter fan bûtenlånske poëzij, û.o. ‘Der Cherubinische Wandersmann’ fan Angelus Silesius (1955). Hat harkspullen skreaun en togearre mei Odd Eidem in pear komeedzjes. Under de skûlnamme Bernhard Borge hat er inkelde psychologyske kriminael-romans útjown.

Jens Bjørneboe, berne 1920 yn Kristiansand, oplieding as kunstskilder. Sunt 1950 ûnderwizer oan Rudolf Steinerskoalle yn Oslo. Debutearre yn 1951 mei de bondel ‘Dikt’. Letter de bondel ‘Ariadne’. Romans: ‘Før hanen galer’ (1952) en foaral ‘Jonas’ (1955), dy't gâns opgong makke om litteraire wearde en teffens om fule krityk op de hjoeddeiske skoallepaedagogyk.

Alex Bolckmans, berne 1923 to Antwerpen, studearre oan Ryksuniversiteit to Gent en promovearre dêr op proefskrift oer ‘Sociaalcritische tendentie in de Noorse literatuur 1870-1890’ (net ûtjown). Studearre nei oarloch oan Universiteit to Oslo. Is learaer oan Atheneum to Kapellen by Antwerpen. Yn 1955 bineamd ta dosint yn de Skandinavistyk oan R.U. to Gent.

Wurket mei oan ‘Tijdschrift voor Levende Talen’ en ‘Persoon en Gemeenschap’. Skreau artikels yn Noarske blêdden. Mei koarten forskynt fan him in boek oer Ibsen en in artikel oer Tryggve Andersen yn it Noarske tydskrift ‘Edda’.

Emil Boyson, berne 1899. Bigoun as romanskriuwer. U.o. de roman ‘Yngre herre på besøk’ (1936). Syn foarnaemste dichtbondels binne ‘Tegn og tydning’ (1935), ‘Gjemt i mørket’ (1939) en ‘Sjelen og udyret’ (1946).

Carl-Fredrik Engelstad, berne 1915 yn Vesterålen yn Noard-Noarwegen. Waerd magister yn 'e litteratuer op in dissertaesje oer etappes yn 'e naturalistyske romankunst. Yn 'e neioarlochsjierren theaterkritikus yn ‘Morgenbladet’, in skoft lang ek de deistige lieding fan 'e kulturele ofdieling fan 'e redaksje. Skreau in boek oer Franciscus fan Assisi, ien oer Ronald Fangen en ien oer Sigrid Undset. Trije drama's fan syn hân, it lêste, dat de roman ‘Den fjerde nattevakt’ fan Falkberget bihannelet, wurdt dit seizoen yn ‘Det Norske Teater’ to Oslo opfierd. Ien fan 'e bêste theaterkenners yn Noarwegen. Hy wol de kristlike libbensvisy håld jaen yn it moderne yntellektuéle libben.

Claes Gill, berne 1910 yn Odda. Twa dichtbondels ‘Fragmint av et magisk liv’ (1939) en ‘Ord i jaern’ (1942). Great akteur. Direkteur fan Studioteatret yn Oslo fan 1945 oant 1947. Sûnt 1952 direkteur fan Rogeland Teater yn Stavanger.

[p. 79]

Olav Gurvin, berne yn West-Noarwegen, waerd yn 1938 doctor yn 'e musikology op in dissertaesje oer it thema ‘Fan tonaliteit ta atonaliteit’. Wie dosint oan 'e Universiteit fan Oslo fan 1937 oant 1942 en fan 1945 oant 1947, doe't er ta heechlearaer yn 'e musikology bineamd waerd. Hy wie de iennichste redakteur fan it tydskrift ‘Norsk musikkliv’ en is sunt de oarloch muzykkritikus yn it deiblêd ‘Verdens Gang’ to Oslo.

Inger Hagerup, berne 1905 yn Bergen, studearre filology. Gâns dichtbondels, û.o. ‘Jeg gikk meg vill i skogen’ (1939), ‘Videre’ (1954), ‘Den syvende natt’ (1947), ‘Mitt skip seiler’ (1951) en ‘Som du vil ha meg’ (1949).

Gunvor Hofmo, berne 1921 yn Oslo, debutearre 1946 mei de bondel ‘Jeg vil hjem til menneskene’. Letter de bondels ‘Fra en annen virkelighet’ (1948), ‘Blinde nattergaler’ (1951) en ‘Testamente til en evighet’ (1955).

Hans-Henrik Holm, berne yn Oslo, studearre rjochtsskiednis en filology oan 'e Universiteit dêrre. As feint lange jierren yn Setesdal, nei tael en kultuer de meast isolearre delling yn Noarwegen. Hy debutearre yn 1933 mei ‘Jonsoknatt’, foarste diel fan great folksepos. Yn 1938 kaem ‘Gamle-Kari og hennar himilfart’, fragmint út it twadde diel, dat noch forskine moat. Yn it riksmâl de fersebondel ‘Guds gnistrende ildfluer’ (1942) en de lange fersen ‘Vårhelg in Gaukelikleiv’ (1947) en ‘Fugl Føniks i eplehagen’ (1948). Syn greatste wurk is ‘Bygdir i solrøyk’ I-VI (1949-’!51), in synthetyske dichtsyklus. Yn 'e mande mei Langvik Johannessen oersettings fan guon Midnederlânske toanielstikken.

Kåre Langvik Johannessen, berne 1919 to Onsøy by Fredrikstad. Studearre nei de oarloch filology en litteratuer to Oslo, helle dêr de magisterstitel mei in skripsje oer it bibelsk drama yn 'e Nederlannen foar Vondel. Studearre fierder to Freiburg yn Switserlân, Amsterdam, Leijen en Gent yn germanistyk en Nederlânsk. Die eksamen yn de Nederlânske filology oan 'e Frije Universiteit to Brussel. Studearre Frysk oan 'e Frije Universiteit to Amsterdam. Wittenskiplik meiwurker yn Norges Almenvitenskapelige Forskningsråd mei as opdracht, ûndersyk to dwaen nei de Nederlânske litteratuer yn 'e 16de en 17de ieu. Hat dêr al frijhwat oer publisearre.

Tor Jonsson, berne 1916 yn Lom, forstoarn 1951. Earst boere-arbeider, letter journalist. Debutearre mei de bondel ‘Mogning i mørkret’ (1943). Letter forskynde fan him ‘Berg ved blått vatn’ (1946), ‘Jarnnetter’ (1948) en in posthume bondel. Fierders twa bondels essays en in ienakter.

All Larsen, berne 1885. Bikend as in tige skerp kritikus, dy't gâns opskuor joech. Kaem yn de jierren 1933-1940 mei it anthroposofysk ynstelde tydskrift ‘Janus’, dat in heech gehalte hie. Fjouwer dichtbondels, û.o. ‘I jordens lys’ (1946), twa samlingen essays, dêr't ‘Den kongelige kunst’ in hichtepunt fan útmakket yn it Noarske kritysk proaza.

[p. 80]

Amy van Marken, berne 1912 to Hilversum, studearre Skandinavyske talen oan 'e Stedsuniversiteit to Amsterdam by Mefr. Dr P.M. Boer-Den Hoed. Sûnt 1948 forboun oan de Ryksuniversiteit to Leijen en sûnt 1954 ek oan dy to Grins, wylst hja tagelyk assistinte is oan 'e Stedsuniversiteit fan Amsterdam. Jowt kolleezjes yn 'e moderne Skandinavyske talen en letterkunde.

Øistein Parmann, berne 1921 to Oslo, studearre kunstskiednis oan 'e Universiteit dêrre en hat as kunstkritikus jierrenlang meiwurke oan ‘Morgenbladet’ yn dy stêd. Koartlyn hat er de deistige lieding fan de kulturele ôfdieling fan dat blêd oernommen fan Engelstad. As skriuwer hat er trije boeken it ljocht sjen litten, hwerfan twa romans. mei't er in tige spiritualistyske libbens-skôging foarstiet, lit er yn it petear oer kultuer yn Noarwegen in frijhwat apart lûd hearre.

Ragnvald Skrede, berne 1904 yn Vågå, adjunkt-eksamen filology Universiteit Oslo. Fan 1924-1936 ûnderwizer. Nei de oarloch litteraire meiwurker oan Osloër blêdden ‘Verdens Gang’ en ‘Dagbladet’. Debutearre mei in bondel ‘Det veit du ikkje’. Hat in boek skreaun oer Tarjei Vesaas en syn wurk.

Aslaug Vaa, berne 1889 yn Vinje, Telemark, studearre Frânske litteratuer en kunstskiednis oan Sorbonne en yn Berlyn. Wurksum as ûnderwizer en as kritikus. Debutearre mei de bondel ‘Nord i leitet’ (1934), letter ‘Villarkonn’ (1936), ‘Fotefar’ (1947) en ‘Den forunderlege vegen’ (1949). Hat ek in mannich drama's skreaun, dêr't ‘Tjugendagen’ (1947) en ‘Munkeklokka’ (1950) ütrinders fan binne.

Tarjei Vesaas, berne 1897 yn Vinje yn Telemark, dêr't er ek nou noch wennet. Hy debutearre yn 1923 mei ‘Menneskeborn’. In hichtepunt foar de oarloch wie de rige ‘Fars reise’, ‘Sigrid Stallbrokk’, ‘Dei ukjende mennene’ en ‘Hjarta høyrer sine heimlandstonar’ (1930-’!38). Dramaturch mei ‘Ultimatum’, it oarlochsdrama ‘Morgonvinden’ en ‘Bleikeplassen’. Fierder twa fersebondels, harkspullen ensfh. Foar de forhalebondel ‘Vindane’ krige er yn 1953 in Europeeske litteratuerpriis. Sûnt 1947 fan it regear in kunstners-jierjild.

Trond Winje, berne 1928 yn Oslo. Waerd ûnderwizer. Hâldde gâns in rige jierren ta yn it butenlân, û.o. yn Eastenryk, Switserlån, Spanje en Italië. Hat as journalist meiwurker west oan in pear greate blêdden yn Oslo. Sette oer, foaral út it Dútsk fan Rilke en oaren. Hy festige binammen troch in rige frisse, moedige essays oer litteraire en algemien kulturele ûnderwerpen de oandacht op him.