De Tsjerne. Jaargang 11

[p. 62]

Jens Bjørneboe:
Hjerst
(Host)

Oer 't muorrewurk fan 't slot waekst wyld de wyn.
Sa stiet de boarch, oan alle kant bikrongen,
fan grêft ta trans yn djippe readens fongen
troch bledte’ dûnkre wûndre flammeskyn.

Hjoed meitsje draven rypjend 't sjitgat blyn,
de lije siden hawwe hja bisprongen,
de stiennen hammer yn it skyld bitwongen
binefter pylder-snaerwurk yn trewyn.

It goare grounsop ûnder swiere moppen
wurdt heftich fan 'e sinnegloede folle
en sjoch! in beam fan swietens tilt de holle

en riist yn tûken swier fan wyn nei boppen.
O druveranken! Druven! Foarm! Figuer!
O wûnders fan ûntwingbere natuer!