De Tsjerne. Jaargang 10

[p. 199]

Jelle de Jong:
Twangarbeid yn 'e myn fan 'e wrald.

wy binne mynarbeiders
(sjoch prospektus heerlen of kerkrade)
ús wurk is ûnder de skyl
en de sinne skynt allinne
op 'e bûtenkant

ús pupillen binn' wiskunstich lyts
ús lichem is fan swarte koal

wy moasten yn 'e minen
it is de twangarbeid fan dizze generaesje
wy binne berne ûnder skoarstienreek
it stienkoalgrús siet ús yn 't hier

de sinne stiet to heech foar ús
wy binne bang syn ljocht to sjen
ús pupillen soen' yn diggels falle

wy moatte bisykje to wennen oan 't ljocht
eltse dei in pear sekûnden langer
mar lear earst it brailleskrift