De Tsjerne. Jaargang 6

[p. 241]

Durk Miedema:
Gallich gebet.

Myn God, ik kin it langer net forneare:
Hwerom moát ús bisykjen misbiteare
en komt it driigjend ûnk net mear to kearen
ús oer? Is dit to folle - ús bigearen
nei frede? - Is 't to min? Kinn' wy 't net leare
yn oare wei as lije en ûntbeare?

* _* *

O, stjûr ús net sa warleas yn 'e wolven,
smei ús in swurd of rik ús in revolver
en as 't net wól: brân dan de boel yn polver.