De Tsjerne. Jaargang 6

[p. 209]

A. van der Minne-Buma:
Wersjen.

In Maeijejoun mei swietrook fan seringen
En ek de delleklokjes roeken sa.
Der lei in wûndre tsjoen oer alle dingen
As yn in stille kleastertún of sa.

It skimerjoune yn 'e smelle strjitte,
Papena-stins wie as in âld forhael;
De boekeblêdden glommen fan 'e wiette,
In klyster song en song mar op 'e nael.

De skille klonk troch hoare, hege g'ongen;
Wy sieten op it âldbiwende sté.
Tabak, in piip - dy klyster mar oan 't sjongen -
In romerfol; ditkear wie der gjin thé.

Wy namen ôfskie. Doe't Jo fierder giene
Wie it sa eigen en sa hiel gewoan.
Is it wol tsien jier lyn dat Jo hjir wiene
Of noch mar krekt, en is ús neat ûntstoarn?