De Tsjerne. Jaargang 6

[p. 144]

U.J. Boersma:
Ofskie yn 'e oase.

(Oan Sjoerd Spanninga.)

Swij, myn freon, en túch it hynder op -
klei net om 't lêste lok
dat nou net foar ús lei....
Yn 't seal! - en tergje net to lang
dyn eale Arabier
dy't trillet mear as ik
om 't streakjen fan dyn hân! -

Myn tinzen, sille hja hoedzje
yn hjitte dei en iiz'ge nacht
dy, troch dizz' einleaze sânsé?....

My is 't herte nea iensum mear
Salang myn antlit gloede draecht
hwer't dyn lippen rêstten!

Ienris.... dyn stal tsjin loft en sân
bringt my 't biwiis: ‘dyn trou oerwoun!’ -

Lit fleane nou dyn hynst
en sjoch - né, sjoch net om -
Sterk wol 'k stean foar dyn each oan 't lêst -
Dêrom - gean nou, myn freon - farwol! -