De Tsjerne. Jaargang 4

[p. 207]

Tsj. Peanstra:
Lyts paradiis.

Lyts paradiis, dat nimmen ken
as dou, as ik en oars net ien....
Wy hawwe iens as blide bern
togearre oan 'e poarte stien.

De koele wyn roeike it strewel
en 't gea blonk yn 'e moarntiidsdiiz'.
De takomst wie foar ús de wel
fan lok; fan dit: ús paradiis.

Lyts paradiis, dat nimmen ken
as dou, as ik en oars net ien.
Wy binne doe as blide bern
togearre troch de poarten gien....