De Tsjerne. Jaargang 4

[p. 145]

Dam Jaarsma:
Loane to Eastermar.

O, sjuch de diken ûnder 't wide blauwe
Forwulft to-maeije op in iere moarn:
De wite slingers fan 'e hagedoarn
Bifonkele met drippen fan 'e dauwe.

Glinsters fan goud, as siedde troch in souwe
Fan kroeze giele en griene blêddekroan,
Krijboartsje op 't sânpaed fan de stille loan',
Bliid dat se ûntwine koenen dizze kouwe.

Koestû dy as dit boartlik foarjiersljocht
Untwine oan 'e kouw' fan njûre tinzen....

- O, bliuw net jimmer yn dyselme finzen,
De libbensskientme bloeit net om 'e nocht -

Koe ienris sa dyn geast, los fan 'e bân,
Fine it ljochte paed nei 't iiv'ge lân -