De Tsjerne. Jaargang 4

[p. 32]

Frysk en frjemd.

Frysk kabaret to frjentsjer.

Op 'e slotjoun fan it Frysk Studintekongres hat it studinteselskip ‘Cygnus Resurgens’ fan Amsterdam in kabaretprogramma nei foaren brocht dat klonk as in klok. De Fryske parse wie unanym fol lof foar de artistyk-forantwurde wize dêr't mannen as Sibe Sybesma, Marten Brouwer, Hessel Miedema, Jochum Nieuwenhuis, Hein Groeneveld en oaren har earste (en goede!) stappen setten op 'e wei nei in eigen Fryske kabaretkunst. Hwannear komt ‘Cygnus Resurgens’ ris ‘ûnder de minsken’?

Op kommende wei.

De twadde, lang forwachte printinge fan Piebenga syn ‘Koarte skiednis fan de Fryske Skriftekennisse’ sil op nij útkomme.

De Fryske Bibleteek sil útjaen in novelle fan Willem Eisma: ‘Forgetten post.’

Nei't Ulbe van Houten yn in lêzing foar it KFS meidield hat, sil it forskinen fan syn Bernebibel net lang mear op him wachtsje litte.

Ut oare bledden.

It Krystnûmmer fan ‘It Heitelân’ bifette in fers fan Rixt (juff. H.A. van Dorssen): ‘Cordilleras de los Andes’, dat assosiaesjes opropt oan har ‘Buenos Aires’. Fierder gedichten fan û.m. Jan Bylsma, Rely en Geart Jonkman.

Yn ‘Nieuw Friesland’ fan 8 Jann. û.m. in fers fan Kees Jongsma, en fan Drs. J.J. van Weringh in karakteristyk fan Dr. K. Dykstra, ‘Apotheker en musicus’.

Franco contra Fransken.

Alle wurken fan de Frânske skriuwers de Balzac, de Maupassant en Flaubert binne yn Spanje forbean woarn. De Caudillo biskôget harren as ‘immorele skriuwers’.

Les yeux et la lumiere.

It forskinen wurdt oankundige fan in nij boek fan Vercors, dat seis forhalen bifettet en ‘Les yeux et la lumière’ (Mystère à six voix) hjit. It is de earste nije publikaesje fan de skriuwer sûnt twa jier.

FREARK DAM.

Ynkommen boeken.

Dr. K. Fokkema, De waardering van het Fries (openbare les), Wolters, Groningen-Batavia, 1948 (f 0,90).

Dr. J. Hoekstra, Vier Friese kronieken (rede), Nijhoff, 's-Gravenhage, 1948 (f 1,-).

E.S. de Jong, Om it erfskip (de útrikking fan de G.J.- en de Dr. J. Halbertsma-priis), Osinga, Boalsert (f 1,90).

Dr. P. Sipma, Ta it Frysk I (Ynlieding, klanklear, stavering), R.v.d. Velde, Ljouwert, 1948.

D.A. Tamminga, Styl en stavering, Wolters, 1948 (f 2,25 - f 2,75).

D.J. van der Laan, De vrouw, de weg en het huis. Roman, Leidse Uitgeversmij., 1948 (f 5,90). By deselde útjower:

D.J. van der Laan, De Wrok (f 5,90).