De Tsjerne. Jaargang 1

[p. 321]

[Nummer 12]

F. Donker:
Advent

Jezus, hifker fan myn hert,
Glimker om myn geast,
Witst myn need en djipst forlet,
Leavest my it earst.

'k Tocht, dat 'k bûten dy wol koe,
'k Socht myn eigen spoar.
Mar as 'k dy ûntrinne woe
Wiest my altyd foar.

Ier en let wie 'k ûnderweis,
Skoftich, nearne thús.
Mar oer d'ein fan elke reis
Falt it skaed fan 't krús.

Libbenswetter, roer en seil,
Amme en wyn fan God,
Jezus, hoeder fan myn heil,
Lieder fan myn lot.