De Tsjerne. Jaargang 1

Freark Dam:
Tinkend oan easterse

Der slacht in fink yn 'e wylgen

By de feart del yn Eastersé,

Dou stiest oer de mar to eagjen

En makkest dyn breidsklean ré.

In hanfol snie út de himel

Sa driuwt in flecht miuwen foarlâns,

It wite ljocht yn dyn eagen

Blinkt yn dyselde glâns.

Letter, as alles foun is,

Ek 't lok, dat ús ta inoar driuwt,

Myn stoarmjen oer dy forroun is

En neat as hwat neirûzjen bliuwt -

Dan komt it blide bitinken

Fan ús jierren, foarby, net forlern;

Ik wiis: sjoch, de stjerren blinke,

Wy binn' jit deselde bern.