De Tsjerne. Jaargang 1

[p. 169]

Freark Dam:
Loslippich liet

Ik woe wol rinne efter reade flaggen,
Fûleindich read, gjin rose of ynkarnaet,
En dan forheftich en hertstochtlik sjonge
Fan 't ivich rjocht fan 't proletariaet.

Ik woe wol sjonge, op hoeken en by brêgen
- De poaijer en de peukjesiker ta myn maet -
Dat Jezus' bloed de sùnders wasket,
Dat der noch plak is, foar in Heilsoldaet.

Ik moat wol sjonge, inkeld en allinne
Omt ik my hjir al fêst en fêster praet,
Ik moat wol sjonge, inkeld al út bangens
Dat der gjin wei mear út dit vacuum laet.