De Tsjerne. Jaargang 1

[p. 169]

Kees Jongsma:
De Parrebeam

Wês as de bloeijende parrebeam,
Fol en roun fan de Maitiidstwirre
Yn blossom spattend; rypje hjirre
't Fûlst' bigearen út jonkheit's dream,
Ut twigen en wyt-bikalke stamme,
Triljend, net wittend de namme, de namme.
Wês as de fruchtbere parrebeam.

Wês as de skomjende parrebeam,
Ienris de groeijende fruchten to fielen,
Yn hope en blidens it wûnder to dielen
Mei dizze smertleaze Maeije-kream,
Yn foarm en follens út to tinen
Op d' amme fan jonge, bolbjirken winen:
Wês as de beevjende parrebeam.