De Tsjerne. Jaargang 1

[p. 127]

Tet de Jager:
Gebet

Libbensstriid en libbenssmerte
Hear, toskuort myn skriljend herte.
'k Gean troch feale ellindichheit,
sjoch dochs myn earmoedichheit!

'k Mei by Jo myn leed útsizze,
al myn noeden foar Jo lizze.
'k Fiel Jins leafde as in klaed,
'k wit my fan Jins wiisheit laet.

Meije minsken my forjitte,
Jò wolle my nea forstjitte.
Net t'omfiemjen is Jins trou
foar in bychtling skurf en skou.

Lit dan libbens tongerbuijen
oer myn holle brûzje en bruije -
'k Fyn by Jo, myn Hear, hâldfêst,
Oan Jins hert ûntwyk en r^est...