De Tsjerne. Jaargang 1

Ernst Huisman:
Forlangen

Sitst by de tafel, hiel allinne,
En dat op dizze Sneintojoun.
Wylst oaren om in faem út binne
hastou dyn eigen keamer foun.

Dêr rûze jountiid-melodijen
Ut 't kastke yn de skimerhoek'.
It lampljocht glânzet sêft en mijen
Oer skriuwersark en stúdzjeboek.

De pinne yn 'e hannen nommen,
Sjochst foar dy út, as hiestou eat
To útrjen, mar gjin wurden komme.
En och, 't jowt allegearr' ek neat.