De Tsjerne. Jaargang 1

[p. 83]

Anne Wadman:
Brief oan J.

Hwat jowt it dat ik ‘Leave’ skriuw,
of ‘Bêste’, kâldwei en koart,
of trou oan folk's wiisheid bliuw:
‘as 't ding mar in namme hat’?

Hwat jowt it? Al hwat ik dy neam
ûntglûpt oan myn macht.
Mar oan 'e Molkwei fan myn dream
hâldt dyn stjerrebyld triljend wacht

as in lêst trouhertich skyld
yn in forlerne striid.
Haw ik dyn koerts bisyld
dan wurdt sels de ivichheid wiid.