De Tsjerne. Jaargang 1

Kees Jongsma:
Lytse oerwinning

Foar P.v.d. Veen.

Sawn grien-giele kamouflagekleden
Mei fûnk'ljende helms der boppe op
Saeije de fytsen ûnder yn 'e reed en
Strûpe de gewearen oer 'e kop.

Geskrip yn't bûthûs, oerstjûre stimmen,
Neat is to let en neat is to ier;
De frou pakt gau noch in brief fan it rim en
Dan stampe de learzens al oer de bûthûsflier.

Hja skuorre yn't kabinet de boel yn 'e tizen,
De faem sjocht brimstich en rare lilk
As ien om har brieven sit to gnizen.
In oar loert lizzende ûnder it swilk.

Hja litte de boer, sa't er is, yn syn wêzen,
En einlings dan stappe se dochs wer op,
Forflokt en forwinske - mar fan efter kou-glêzen
Bigluorke fan in blier laitsjende jongeskop.