De Tsjerne. Jaargang 1

[p. 24]

K.O. Meijer:
Loftfront

Wy hearden, earst hiel út de fierte wei,
In djip geroft fen fleantugemotoaren.
Ringen loeken formaesjes lange spoaren;
Wolkeft'ge streken kamen efternei.

Heech oer ús hollen namen hja hjar wei;
Ho swier de hûnderten mesinen kroaden
Aloan sjongend hjar dinderjende koaren,
Hweryn in deadelike driging laei!

Ynienen rattelt skerp en grym gesnau
Fen mitrailleursalvo's; linich as snoeken
Yn flugge flecht de lytse jagers dûke...

Den - droant de ierde, rinkelje de ruten -
Mar stadich driuwe seis, saun parasjuten
As blanke fûgels troch it djippe blau.