Truwanten

F Diplomatisch afschrift

Profiterend van de acribie van onze voorgangers, geleerd hebbend van hun fouten en van de onze, laten wij hieronder ons diplomatisch afschrift volgen. Op de bladzijden ernaast zijn de overeenkomstige passages uit het handschrift (Brussel, K.B., hs. 15.589-623, F. 235) gereproduceerd. De reprodukties geven de werkelijkheid iets verkleind weer.

[p. 28]

F. 235R, a, 1-26

[p. 29]

⁺¶ Comt voert den hals moeti breken
Dat dus langhe vasten mijn beesten
Hebdi nv gheweest jn feesten
Comt voert ons vrouwe moet v bedroeuen

¶ De maerte

¶ Swicht vrouwe laet v ghenoeghen
Met dat ic desen bundel draghe
In ginc noit in ghenen daghe
Om voederinghe al dus verre
Tonrecht sidi op mi erre
Want niesent en rustic mine voete

¶ Die vrouwe

¶ Ay hoere dat men v berren moete
Wat quader trijpsac sidi

¶ De maerte

¶ Vrouwe waer omme smitti mi
Sonder verdiente dats mi leet
Ramp moetti hebben in v sweet
In wil niet versproken sijn
Maer gheeft mi mijn gheldekijn
Dat mi es worden suer ende swaer

¶ Die vrouwe

¶ Keren hets een quaet jaer
Al soude die duuel alles wouden
Niet langher en willic v houden
Gaet weech die duuel moet v geleiden

+ F. 235R, a

[p. 30]

F. 235R, a, 27-b, 13

[p. 31]

⁺¶ De maerte

¶ Vrouwe nv willic van v schiden
Nv hulpt god diet al verleent
Ende hoe saen benic verbeent
Dat ic vte minen dienste dus scheiden
Dat mi brueder eueraet seide
Dunct mi dat ic nv bevinde
Wanneer ic sinen tsau bekinde
Moetic met sire minnen dolen
Ic moet noch gaen te sire scolen
⁺Ende haesten mi ter clusen waert
Hoerdijt brueder eueraet
Nv benic hier god gheefts mi vrome

¶ Die brueder

¶ Ay minneken sijt groet willecome
Nv willic van mijnre clusen scheiden
Achter lande salie v leiden
Ghelijc of ghi waert suster lute
Ic can soe menegerande clute
Dies al die liede niet en weten

¶ De maerte

¶ Wat brueder eueraet sidi beseten
Wildi mi leren nv truwanten

+ F. 235R, a,

+ F. 235 R, b,

[p. 32]

F. 235R, b, 14-38

[p. 33]

14

⁺¶ Die brueder

15

¶ Swijcht minneken bi allen santen

 

Trawanten en es ghene pine

 

Hout doet ane dese slauine

 

Ic soude v node qualijc raden

(150)

Want bider lieuer gods ghenaden

20

Es int lant een goet morseel

 

Wi selens hebben beide ons deel

 

Oec sal menich edelen traen

 

Van wine doer ons stroetken gaen

(155)

Nv volghet mi suster lutgaert

25

¶ De maerte

 

¶ Gherne brueder eueraet

 

Hulpt god hoe moede si wi van gane

 

Want te sente jans te latrane

 

Ende te jherusalem ten heileghen graue

30(160)

Hebben wi gheweest . vele droeuer dage

 

Moeten wi doghen in alder tijt

 

Ay dat ghi werden moet verblijdt

 

Wilt mi ende suster luten gheuen

 

Van uwen goede daer wi bi leuen

35(165)

Brinct ons iet leckers in onse caken

 

Want gerne waren wi te ghmake

 

Ghelaten hebben wi alle pine

 

Ende meinen voert truwante te sine

+ F. 235R, b,

[p. 34]

F. 235V, a, 1-30

[p. 35]

⁺Het hulpt ons alte wel dlorinen
Men vinter noch die node pinen
Want wi hebben vele ghesellen
Beide in clusen ende in sellen
Die de werelt quantsijs begheuen
Maer ginghese vollen ofte weuen
Si souden bat met selken saken
Gode onsen here ghenaken
Maer swesters baghinen lollaerde
Si sijn alsoe loei van aerde
Datse qualijc pinen moghen
Maer si drinken wel grote toghen
Als sire connen ane gheraken
Hier met willicx een jnde maken
Want ic wel te vele mocht spreken
Die wel doet en derf ghenen wisch wt steken

¶ Die duuel

¶ Hoert ghi heren ouer al
Ic hebbe bracht inden val
Desen brueder met minen treken
Sine heilicheit heeft hi nv besceten
Al draechti nv grav abijt
Het sal noch comen wel den tijt
Dat hi rekenighe doen sal
Ende sijn brueders groet en smal
Die dus truwanten achter lande
Ende eten der lieden sonden ende scande
Dies selen si noch voren singhen
Ende in minen ketel springhen

Nota .C. xcvi. verse

+ F. 235V, a,

Aantekeningen
F. 235R, a, 3 jn: j onzeker

Aantekeningen
F. 235R, b, 5 Na Ay: mis doorgehaald en geëxpungeerd (d.i. door puntjes onder het woord aangeven, dat het niet moet worden meegelezen).
9 menegerande: derde e boven de regel toegevoegd.

Aantekeningen
F. 235V, a, 16 steken: toegevoegd achter spreken op r. 15. Achter wt staan twee verticale streepjes (het tweede heel dun) als verwijzingsteken; deze streepjes worden herhaald voor steken.