It is net goed dat minsken dat sizze. Ik fyn Pim Fortuyn in grut gefaar. Dêr dogge minsken fierste maklik oer. Dy man hat it charisma fan in min minske. Ik ha in hekel oan elkenien dy't ienfâldige oplossings jout foar muoilike problemen. En dan sitear ik Reve: Mensen beminnen hun eigen moordenaar, zowel privé als bij de staatkundige verkiezingen.
Repke Hollema
It is goed dat ris sei wurdt dat de Friezen feitlik wat dommer binne as alle oaren yn Nederlân. Sjoch mar hoe't se der letterlik alles oan dogge om mar net op te fallen. It Frysk is ferwurden ta in echte dûk- en heinkultuer! In treflik foarbyld is fansels dat as Friezen ek mar rûke dat in oar gjin Frysk praat, se op slach oergeane yn it Nederlânsk. Stel je foar dat ien ús net begripe soe! Om my kinne se sa njonkenlytsen it hiele Frysk wol ôfskaffe! Dat rommet op en besparret de Provinsje in soad jild. (Hearlik, dat dit ek nochris sein wurde koe yn sa'n Frysksinnich gepiel-blêdsje!)
Reitze A. Ketellapper
Ja, dat gefoel haw ik ek. Earder waard der ek wol ris wat sein, mar it leit no oars. De boarger hat syn nocht fan it praten en beloven. De minsken wolle dieden sjen, it makket net út fan wa, at der mar wat gebeurt. Net dat ik it mei alles wat Pim Fortuyn seit iens bin. Ik soe sizze: pak it goeie derút en doch dêr je foardiel mei.
Auteursrechtelijk beschermd