Trotwaer. Jaargang 34

[p. 28]

Tsjisse Hettema
anty-globaal

ik haw in lytse keamer
mar in grut gebou foar
eagen
dêr't bern bûn wurde
yn bernesitsjes
út de Sovjettiid
sa'n Soyoez-stjergefal
en wat de gek der
mei beleve wol

mar de Sovjettiid wie om
doe't pake heilsteat
al dy gekken
op 'e bek sloech
en ruts har tonge
út nei it maksimale
sadat se foar de nije
kapitale tiid
goed op lingte skepen wiene

ik haw in lytse keamer
mar in grutte tiid
foar eagen
dêr't de âlderein stripfigueren
wurden binne
en altyd nei dat iene seare plak
dêr't pake kapitaal
wat ymplantearre hat
dat skrynt