Trotwaer. Jaargang 34

[p. 23]

Sytse Jansma
Taastber ljocht

At ien kear dyn ljocht
wer taastber wurdt
sil ik tôgjend de wrâld
oer gean mei dyn
leafde yn 'e bûse

At ien kear dyn ljocht
wer taastber wurdt
en ik dyn groeden preaun ha
sil ik dyn lichem drinke
út in glês fan tekkens

At ien kear dyn ljocht
wer taastber wurdt
sil ik sjen hoesto kaamste
út de nacht wylst ik myn hannen
stjoerde dy oan te reitsjen