Trotwaer. Jaargang 33

[p. 252]

Freark Dam
Ketliker floralia

Stille boerinne op Jo fonkelfyts
Yn 't bleat earizer op 'en paad
Op sok in stille maitydsmiddei
Mei op it pakjedrager pronkjend
Dat bosk begearlike seringen
Dy adellikste boereblommen -
Boerinne, wêr sil dit hinne?

Sil it nei 't Wâld, nei 't Skoat?
Nei Annebuorren of de Kolfbaan?
De reden del fan moude en makade
Nei Sechtjinroeden of de Singsang?
Sei, wa ferearje Jo sa foarstlik
Dat pearelmoer fan eigen hiem -
Boerinne, wa mei dit barre?

Boerinne is wei, 't ferline is 't ferlerne
De lêste bocht om en foargoed út sicht
Mar om dy swietrook fan har nageltûken
Moat ik noch gûle no nei santich jier.

[p. 253]

II Brimmerheide

 

De felsten, de gleonsten dy't

 

de simmer kundigje en dêr oan

 

ûndergean. Lôge fan fjoer de

 

hiele leane lâns. Fakkel yn

 

fûlste flam, sa waarm, sa gol

 

dy't wol fan fierrens komme

 

moat. Fan Bremen, is it sizzen.

 

Op heite jierdei, fjouwer juny,

 

plôken wy steefêst - 't koe dan

 

krekt - de earste blossemtûken

 

dy't lykwols ringen wylgen.

 

No sjoch ik ta hoe't mei itselde

 

fjoer hja al mids maaie folút

 

flamje: Kom dan, simmer!

 

Wêr bliuwt de tiid?