Trotwaer. Jaargang 31

[p. 328]

Steven de Jong

eachweidprakkesaasjes

oarekant de sleat
panorama sûnder ein
oarekant de dea
in minskelik refrein

ik set de stôk ferkeard
dûk ûnder yn 'e sleat
tinkstiennen plompe achter my oan
de âlde dichter is ferstoarn

krij de pinne âlde baas
periskoop fan in ferstienne dwaas

fanút myn kelder
sjoch ik hiel helder
neat
fan in keninklike stins
faaks sit in kikkert op 'e lins
in kikkert en syn sibben
fol grien libben

[p. 329]

fiskje

de skiere sinne is te kâld
om yn te sliepen

moedeleas de angel
warch
fan it wachtsjen en

ûnferskillich
dûnsje de hichten en delten fan it libben
under de dobber troch

yn 'e trochloftige djipte
fan it hielal...

‘nin byt’
sei ús pake dan