Raise your glass!
Douwe Kootstra
Tinzen by 't Burgumer Iepenloftspul
Gogol syn Revisor is in blijspul. Sa haw ik de jûn ek ûndergien doe't ik, al wer even lyn, it stik seach yn de net útferkochte Ljouwerter Harmonie (dy't doe de opstap nei ‘Stadsschouwburg’ noch net makke hie). It wie leau 'k it Rotterdams Toneel, mei yn 'e boargemastersrol Peter Tuinman; in kreaasje dy't my lang by bleaun is. Sûnder mis ‘in fleurige en slagge jûn’, sa't se dat sa treflik omskriuwe yn de tradisjonele notule-taal.
It sintrale ûnderwerp fan De Revisor is noch fan alle tiden. By kontrôle of te ferwachtsjen kontrôle fan boppe-ôf begjint it legere minsdom him oars as oars te hâlden en te dragen. Min gewisse of net, gâns persoanlikheden hâlde yn de konfrontaasje mei ‘de Machtige’ gjin stân. Al is 't allinne mar in (frijbliuwende) besite fan in - meast oarstalige - (semy)Pommerant (m/f). Friezen, dat stege en drege folk dat al folle langer as 500 jier allinne mar knibbele foar God, begjinne dan op slach Nederlâns te praten en hawwe de mûle fol fan meneer en mevrouw. De Pommerant knikt wakker freonlik en tinkt: ‘Stumpers, wêrom dogge en prate jim net lykas oars.’ De Pommerant kin sûnt sa'n tsien jier de taal fan it noardlike folkje ommers al poerbêst ferstean. Hy hat dat ek al faak dêr en benammen hjir te witten dien, mar it jout him net in sprút.
En wat hebben ze zich weer allemachtig uit gesloofd. Zelfs een glossy boekje in het Engels over hun provincie, met een vertaling van het volkslied, gekregen van die overijverige afdeling Voorlichting. ‘Dan weet u tenminste wat u zingt in het Abe Lenstra Stadion,’ had de ambtenaar er glimlachend aan toegevoegd.
Onder het leeslampje achter in de dienstauto moet ie onbedaarlijk lachen als hij de originele tekst van It Fryske folksliet vergelijkt met de vertaling. De passage ‘Klink dan, en daverje’ is nota bene vertaald met ‘Raise your glass’. Hij staart naar een file aan de andere kant van de vangrail. Dat het notoire zuipers zijn die Friezen, dat wist ie, maar dat ze hun eigen volkslied niet eens begrijpen...
Auteursrechtelijk beschermd