Trotwaer. Jaargang 30

[p. 219]

Hein Jaap Hilarides
HEA

swile gers op fytspaad

wyn sûst yn earen draai holle hear gonzjen elektrisiteit draai werom

sulverwetter fan Swette roerleas yn lêste noardwesterljocht

kikkerts kweakje lampgiele treinkûpees sweve troch swart easten

kij-silhouetten yn dampgreiden

monotoan ljochtsje bleke spoarwei-oergongslampen brune rails op

achter oranje sliepkeamergerdyn fan buorkerij baarnt skimerlampke rûk

meand gers mingd mei rook fan C.C.F.

op flatdakken konkurrearje AVERO en FRIESLAND BANK